فن وثقافة

يا إرهابي دينك إيه.. قصيدة للشاعرة سعاد حسن

أضربوا وأجروا ويلا استخبوا

بس إحنا ولادنا عارفين أزاي عليكم يردوا

إقتلوا في الشهداء وذودوا العدد

وإحنا بأرواحنا لجيشنا المدد

يا إرهابي دينك إيه؟!

وأزاي من الدم كل واحد فيكم بسرعة بيمسح إيديه؟

مبيصعبش عليكم دمعة أم على إبنها قلبها انفطر؟

ولا حزن شابة على شاب كان كل أملها معاه تنستر

هقول عليكم بس أيه؟

لينا رب نشتكيله

العسكري والضابط اللي اقتلتوا غدر

كان واقف بيحرس ليك الأرض

لجل تعيش أنت في أمان

وتنام مستريح وهو تعبان

إزاي دمه عليك هان؟

ممكن يكون أخوك في يوم مكانه

وتلاقي نفسك واقف بتأخد عزاه في صوانه

ده حتى ملحقش يدوق الذاد

كان قاعد لفطاره يعد الساعات

جيت أنت وبكل غدر

هتفت وقلت يلا أهو مات

بس هو الحمد لله شهيد

وأنت النار هتأكل حشاك

وتتمنى من ربنا يحييك من جديد

وترجع تبوس على رأس الشهيد

 

بقلم-سعاد حسن

موضوعات متعلقة

اترك رد

زر الذهاب إلى الأعلى