فن وثقافة
«هعيش أحبك يابلدي» قصيدة للشاعرة سعاد حسن
يعرض موقع بوابة القاهرة قصيدة هعيش أحبك يابلدي، للشاعرة المصرية سعاد حسن.
قصيدة هعيش أحبك يابلدي
يا بلدي
في وصفك في كلام كتير اتقال
فيه اللي حكي وفيه اللي أتملّى في الجمال
ويا عيني على العاشق لبلده الغلبان
اللي مش لاقي حاجة بعد الكلام ده كله يتقال
إقرأ قصيدة| حقك مارحش ياجدع
أصل هقول ايه ولا ايه
هحكي على جدعنة ابن البلد
اللي ممكن يتعشى بالجنيه
ولا احكي على الحضن اللي مجمعنا حواليه
هحكي على الشوارع اللي حاضنة ذكرياتي
ولا لمة الصحاب والقعدة وسط اخواتي
تعرف على أسرار| داليدا صاحبة أغنية حلوة يا بلدي
قالولي جرب تسافر
تروح بلد تانية تدور على لقمة العيش
قلتلهم ملهاش طعم اللقمة
وأنا في حضن ميدفيش
هعيش وأموت فيها
ده غيري ندم على هجرانه ليها
تعيشي وتسلمي من كل شر
وهعيش أحبك طول العمر
بقلم| سعاد حسن
بالتوفيق ان شاء الله. أ. سعاد