كايرو جيت لايت

مطبخ بوابة القاهرة يقدم طريقة عمل الكنافة بالقشطة الكدابة

يقدم مطبخ بوابة القاهرة الكنافة بالقشطة الكدابة حاجة خطيرة ومن الأخر، وطعمها ميتوصفش، وطريقتها مفيش أسهل منها.

الحلو اليوم على مائدة رمضان طبق الكنافة بالقشطة الكدابة لا يمكن الاستغناء عنه، ولا يتم تجاهله، فتعمل الأم على إعداده لأسرتها لتعويض ما ينقصهم من سكريات خلال فترة الصيام، وتتفنن في تحضيره.

وتتصدر صينية الكنافة بالقشطة الكدابة حلويات شهر رمضان المبارك، ولترشيد الاستهلاك، تقدم “بوابة القاهرة” طريقة العمل الكنافة بخطوات سهلة وبسيطة.

مقادير الكنافة بالقشطة الكدابة

  • نص كيلو كنافو
  • ٢ معلقه كبيرة سكر بودر
  • كوباية سمنة سايحه

القشطه الكدابة

  • ٢ كوب لبن حليب
  • ٢ معلقة كبيرة نشأ
  • ٢ معلقة كبيرة سكر
  • ٢ معلقة كبيرة كريم شانتيه
  • معلقة صغيرة سمنه بلدي أو النوع اللي تفضليه

طريقة التحضير

الخطوة الأولى لعمل الكنافة بالقشطة الكدابة وهي صنع القشطة الكدابة عشان تبرد. بجانب ذلك، كوبيتين اللبن عليهم النشأ والسكر والشانتيه.

بالإضافة إلى ذلك، يتم تقليبهم على البارد، وبعدين حطيهم على النار وقلبى فيها لحد ما تتقل. ثم نزلي معلقة السمنة واتركيها على جنب تبرد.

هنجيب الكنافة وتكون متفرزه يعني طلعيها وأفركيها بإيدك وفتفتيها خالص، ونزلي عليها السكر البودر والسمنة وقلبيها بحيث الكنافة كلها تتغلف بالسمنة السايحة.

هاتي صينية مقاس ٢٦ وأدهنيها سمنة، ثم نزلي نص كمية الكنافة واضغطيها جامد جدًا بإيدك، وصينية تانية مقاسها أصغر لازم يعني تكبسيها كويس، لحين ما تلاقي السمنه بتطلع بسيط على الوش، يبقى كده تمام.

نزلي الكريمة ومتفرديهاش على الكنافة كلها عشان متتحرقش من الجوانب وغطيها بباقي الكنافة، وبإيدك اضغطي عليها، وعلى درجة حرارة 180 وحطيها في الفرن نصف ساعة، لحين ما تلاقيها أحمرت من الجناب وخدت لون ذهبي، وبعدين شغلي الشوايه في الاّخر عشان تأخد لون حلو، وبعدين طلعيها واقلبيها واسقيها بالشربات، ويكون تقيل وبارد.

الشربات: 2 كوب سكر، عليهم كوب مايه، وقلبيهم على البارد ثم نزليهم على النار ومتقلبيش. ومع ذلك، بعد ما يأخدو غلوه، هدي عليها النار.

بالإضافة إلى ذلك، لما يتقل الشربات أعصري نصف ليمونه مع معلقة فانيليا، ولمدة دقيقتين. ثم إطفي عليها، وبالهنا والشفاء.

كتبه| أسماء رمزي

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى