ثقافة

مواهب صاعدة.. “سؤال” للطفلة نور جودة

بقلم-نور جودة

 

سؤال…

هو في حد في حياة حد كان فارق…

الكل فترة….وبيفارق

وكل طريق واخره مفارق….

واصل الغزل..وجع…

واصل الوجع ..

حبيب كان في يوم فارق….

اصعب امراض الحياة..الفكر….

قادر يجعل من دموعك حبر….

يسرد من ألمك شعر….

ويصبح شعرك مواعظ للبشر….

وانت مكسور وكسرك لسه له اثر….

طيورك هجرت الشجر…

وبارت اراضيك….

ومحلتكش غير ورقة وقلم

وشوية دموع في عنيك….

هتكتب وتقول…بلاش تحبوا….

بلاش تحبوا… علشان العشق مهواش سهل….

والجرح مبيفرقش بين صبي او كهل…

فعدل ميزان قلبك متخليهوش يختل….

ده الوجع لو من الحبيب يجعل العاقل مختل….

فبلاش تحب…

متخليش حد يكون نقطة ضعفك في يوم….

متخليش حد ببعده يجعلك مهزوم…..

حب قد ماتتحب….يعني متحبش زيادة عن اللزوم

الوسوم

موضوعات متعلقة

اترك رد

زر الذهاب إلى الأعلى
إغلاق
إغلاق

أنت تستخدم إضافة Adblock

برجاء دعمنا عن طريق تعطيل إضافة Adblock