مطبخ

مطبخ “بوابة القاهرة” يقدم نصائح لعمل شوربة دجاج صحية

من خلال خطوات سهلة وبسيطة بيقدم لكِ مطبخ “بوابة القاهرة” نصائح لعمل شوربة دجاج صحية:

 

بهذه الخطوات الخمس، في إيدك فرخة بدون زفارة

 

  • لازم الفراخ يتم غسلها جيدًا بمياه ساقعه، لأن المياه الساقعه بتشيل الزفاره.
  • في أجزاء من الفرخة لازم تتشال لأنها بتبقى زفره مثل: (جلد الرقبه، حرف الجناح الرفيع)
  • خلي عندك خلطة من الدقيق والملح والجنزبيل، مفيدة للتخلص من الزفاره.
  • نصف ليمونه مع نصف حبة طماطم وتدعكي بيهم الفرخة كويس جدًا، ثم يتم نقعها في ميه بخل لمدة خمسة دقائق.
  • حبة بصل مفروم مع ملح وفلفل اسود، و تحشي الفرخة بالكامل.

 

طريقتين للتسوية

 

معلقة زيت ذرة تسخن جيدًا مع حبهان وجزر وطماطم، وتنزلي بالفرخة عليهم تأخد صدمة، ثم تنزلي بمياه مغليه، الطريقة الأخرى نحط كل المكونات اللي فاتت في مياه و نسيبها تغلي وننزل بالفرخة.

 

تكه وسر مهم في التسوية

 

لو معاكي وقت بعد تتبيل الفرخة بالبصل والفلفل حطيها في الفريزر 3 ساعات، وبعدين سويها، التكة دي مهمة وبتخلي لحم الفرخة مش بيشد. لأن أوقات بنسويها لحد ما تتهري و بنلاقي لحمتها بتشد، وبكده هتلاقي ريحة الشوربة جميلة وهتشربيها.

 

كتبه-أسماء رمزي

موضوعات متعلقة

اترك رد

زر الذهاب إلى الأعلى